Friday 28 May 2010

බස් රථයේ සිට අම්මාට ලියූ SMS මාඟල........


ඈ දකින්න යන හැමදා ට
ගෙනවිත් ඇරලවන විට
කොප්පරා හන්දියට
බසයක් අල්ලගන්නට
ආපසු යන්න ආණමඩුවට
ගෙවූ රසගුලා හෝරා දැහැනට
කල්පනා සයුරේ ගිලී විටින් විට
සිතකින් නොවේ ගාට ගාට
එන්නේ ඈ ලඟ තබා සතු ට
. . ..
බලාහිඳී ඈ;
අහිOසක ඇස් යොමා
මුවැත්තියක මෙන්
යාමට නොදී ලෝබව
හදෙහි තෙරපන අපරිමිත
සෙනෙහසින් කැකෑරෙන……
. . .
සැමදා අවෙමි මම
ඇගේ නලලත අතගා
හිස පිරි මැද
දෝරෙ ගලන සෙනෙහසින්
කියාගන්න බැරි වේදනාවකින්
. . ..
රැගෙන ඒමට සිත්විය සැමදින
ඇයව
දෙවුරේ හොවාගෙන
නිවසටම…………
. . . .
සමාවෙයන් අම්මේ මට............!!!!!!!!!
ගෙනෙන්නෙමි එසේ මම නුඹේ ලේලිය
අනවසරෙන්
දෑවැදි නොමැතිවම…….
. . .
හරවා යවන්න ලොබ සිතුනා ඇයව....
Scooty Pet එක
Currier කෙලෙමි නිවසට
බැඳල හිටියත් ඉඳලා බැන්දත්
එකයි නෙව
කොල කෑල්ලකට
මහ ලොකු වටිනාකමක් මොටද . . ?
. . .
කැල්ටන් බේකරියේ බිත්තර පේස්ට්රි?
ජයකොඩියගෙ කඩෙන් අයිස් ක්රීමම්ද
මිලට ගන්නට ගිය හැටි . . .
කිසිවෙක් එහෙට මෙහෙට වුනු අල්ල පනල්ලේ
ඇගේ වත සිපගත්'යුරුද
වත්ත පහල කජු ගහට වත්තම්වී
තුරුල් කරන් සිටි'යුරුද
මට මැවී මැවී පෙනුනා අම්මේ . .
බසයට නැග ආපසු හැරී බලපු ඇසිල්ලේ . .
. . .
තොරන් බඳින්නට ඕනේ නැහැ
මඟුල් බෙර සද්ද එපා
පෝරු තැලිපිළි
ඥාති සOග්ර හ
මේ ඔක්කොම බොරු මනස්ගාත
හොඳවයින් ලුණුමිරිසක් එක්ක
රතු කකුළු කිරිබතක් උයාපන්
මඟුල් බත වෙනුවට
. . .
ඉර අවරට යන හෝරාවේ
සුදු මල් වත්කල
පැන් වීදුරුවක් අතින්ගෙන
පෙරමග බලා සිටපන්
පිලිගන්නට අපව
හිතේ කහටක් නොමැතිව
. . ..
උඹේ ආසිරි...මහමෙරකි මට

අස0ක ගුරුගේ

4 ක් දක්වලා අදහස්. . .:

වැප් said...

අඩේ මේක මරු නේ ............... පට්ට

Anonymous said...

පට්ට සිරා
/කුම්භකර්ණයා

ආදර කතාව said...

ඔබ මීගමුව පැත්තේ ඉන්න බ්ලොග්කරුවෙක් වගේ...

asanka niroshan said...

මම මීගමුව පැත්තෙන් ජීවිතේ ගොඩ දාන්න හදන කෙනෙක්

Post a Comment

ලියලම යන්න හිතට ආපු අදහස!